ဖိနပ်ကိုလွဲမှားစွာ ဝတ်ဆင်ခြင်းကြောင့် လှေကားပေါ်မှလိမ့်ကျခြင်း

     သင်္ဘောပေါ်သို့ စတက်သော စားဖိုဆောင်မှလူသစ်သင်္ဘောသားသည် လှေကားပေါ်မှလိမ့်ကျပြီး ဝမ်းဗိုက်နှင့် တံတောင်ဆစ်တွင် ဒဏ်ရာများရရှိသွားသည်။ ထိုအချိန်တွင် သင်္ဘောသည် ကျောက်ချထားပါသည်။ လေတိုက်နှုန်းမှာ ပြင်းထန်ပြီး၊ လှိုင်းထန်နေပါသည်။ 

      စားဖိုမှူးသည် လူသစ်သင်္ဘောသားအား အောက်ထပ်တွင်ရှိသော အစားအစာစတိုမှ သေတ္တာအလွတ်များအားယူရန် လွှတ်လိုက်ပါသည်။ စားဖိုခန်းမှ လူသစ်သင်္ဘောသားထွက်ခွါပြီး၊ မကြာမှီတွင် စားဖိုမှူးသည် လှေကားမှ လိမ့်ကျသံကို ကြားလိုက်ရပါသည်။ စားဖိုမှူးသည် လူသစ်အား လှေကားရင်းတွင် ခက်ခက်ခဲခဲ မတ်တပ်ရပ်ရန် အားယူနေသည်ကို တွေ့လိုက်ရပါသည်။ 

      လူသစ်သည် လက်တွင် မည်သည့်ပစ္စည်းမှ မကိုင်ထားပါ။ သူသည် လှေကားလက်ရမ်းကို ကိုင်ပြီးဆင်းလာစဉ်၊ ခြေချော်ပြီး ဟန်ချက်ပျက်သွားသည်ဟု ပြောဆိုပါသည်။ ချော်ကြစဉ် ဦးခေါင်းကို မထိစေရန် ကာကွယ်လိုက်သောကြောင့် ဝမ်းဗိုက်ကို လှေကားလက်ရမ်းနှင့် တိုက်မိပြီး၊ တံတောင်ဆစ်သည် လှေကားထစ်များနှင့် တိုက်မိပါသည်။ 

       ရှေးဦးသူနာပြုစုခြင်းနည်းလမ်းအတိုင်း သင်္ဘောသားသစ်ကို ပြုစုပေးကြပါသည်။ နှစ်ရက်ကြာသောအခါတွင် သင်္ဘောသားသစ်အား ဆိပ်ကမ်းရှိဆရာဝန်နှင့် စစ်ဆေးပါသည်။ ဆရာဝန်သည် သင်္ဘောသားသစ်အား တာဝန်ထမ်းဆောင်ရန်အတွက် လုံလောက်သောကြံခိုင်မှုမရှိဟု မှတ်ချက်ရေးပေးသဖြင့် လူသစ်အား အိမ်ပြန်ပို့လိုက်ပါသည်။

       ထိခိုက်မှုဖြစ်ပွါးပြီးနောက် ဖြစ်ပွါးရခြင်းအကြောင်းရင်းကို ရှာဖွေစစ်ဆေးသောအခါ အောက်ပါအချက်များကို တွေ့ရှိရပါသည်။

၁။ သင်္ဘေသားသစ်သည် ဖိနပ်ကို ကောင်းမွန်စွာစီးမထားပါ။ ဖိနပ်၏ အနောက်ပိုင်းဖနောင့်နေရာသည် ပြားနေသောကြောင့် ဖိနပ်ကို နေရာကျစွာမစီးဘဲ စွပ်ရုံသာစွပ်ထားကြောင်း တွေ့ရပါသည်။ ခြေဖဝါးသည် ဖိနပ်အတွင်း နေရာမကျပါ။

၂။ သင်္ဘောသားသစ်သည် ထိခိုက်မှုဖြစ်ပွါးသည့်နေ့မတိုင်မှီ သင်္ဘောအပေါ်တက်လာခြင်းဖြစ်သည်။ သူသည် ကြာမြင့်စွာလေယာဉ်စီးခဲ့ရပါသည်။ ဂျက်လေယာဉ်ကြာမြင့်ချိန်ကြောင့် သူသည် ပင်ပန်းပြီး၊ သတိမထားနိုင်ခြင်းဖြစ်ပါသည်။

၃။ လှိုင်းမူးခြင်းသည်လည်း ထိခိုက်မှုကိုဖြစ်စေသည့် အကြောင်းအရင်းတွင် ပါဝင်သည်။

လေ့လာသင့်သောအချက်များ

၁။ ကိုယ်ခန္ဓာကာကွယ်ရေးပစ္စည်း ( Personal Protective-equipment-PPE ) တိုင်းကို ဝတ်ဆင်သုံးစွဲလျှင် မှန်ကန်စွာသုံးစွဲရမည်။ Safety shoe သည်လည်း ကိုယ်ခန္ဓာကာကွယ်ရေးပစ္စည်းထဲတွင် ပါဝင်သည်။ ကိုယ်ခန္ဓာကာကွယ်ရေးပစ္စည်းများကို လွဲမှားစွာသုံးစွဲခြင်း၊ ထပ်၍တီထွင်သုံးစွဲခြင်းသည် သင်္ဘောသားတို့လိုက်နာရမည်စည်းမျဉ်းများကို ချိုးဖေါက်ခြင်းဖြစ်သည်။ လုံခြုံရေးစည်းကမ်းများ ( Safety procedures ) ကိုလည်း ချိုးဖေါက်ခြင်းဖြစ်သည်။ 

၂။ Safety shoe များကို ဝတ်ဆင်လျှင် တိကျသောအရွယ်အစားကိုသာ ဝတ်ဆင်ရမည်။ ကြီးနေသော Safety shoe များသည် အလွယ်တကူကျွတ်ထွက်နိုင်ပါသည်။ ဖိနပ်ကြိုးကို တင်းကျပ်စွာချည်နှောင်၍ သင့်တော်စွာဝတ်ဆင်သင့်ပါသည်။

၃။ သင်္ဘောသားများသည် တာဝန်ကို စတင်ယူစဉ်အချိန်တွင် အထူးသတိထားသင့်သည်။ အလုပ်ပတ်ဝန်းကျင်အသစ်၊ ပစ္စည်းကိရိယာအသစ်၊ လူသစ်များနှင့် ထိတွေ့ဆက်ဆံရာတွင် ကျွမ်းဝင်မှုဖြစ်စေရန်အတွက် အချိန်လိုပါသည်။

၎။ သင်္ဘောသစ်များ အလုပ်ခွင်တွင် အန္တရာယ်ကင်းဝေးစေရေးအတွက် ဝါရင့်သင်္ဘောသားများမှ ကြီးကြပ် လမ်းညွှန်သင့်ပါသည်။

( Report No – 200960  )

( Safety at Sea Magazine – Dec 2009 မှ ကူးယူဖေါ်ပြပါသည်။ )