Rotocap ဆိုတာ ဘယ်လိုအလုပ်လုပ်သလဲ… ကောင်း၊ မကောင်း ဘယ်လို စစ်ဆေးမလဲ…

Rotocap ဆိုတာ ဘယ်လိုအလုပ်လုပ်သလဲ… ကောင်း၊ မကောင်း ဘယ်လို စစ်ဆေးမလဲ…

        Rotocap ဆိုတာ အင်ဂျင်မောင်းနှင်နေစဉ် Suction valve နှင့် Exhaust valve များ လည်ပါတ်စေရန် ပြုလုပ်ထားသော အစိတ်အပိုင်း တစ်ခုဖြစ်ပြီး Valve rotator ဟုလည်း ခေါ်ပါသည်။

        အင်ဂျင်မောင်းနှင်ချိန်တွင် ဗါးများ အဖွင့်အပိတ်ပြုလုပ်ကြပါသည်။ အင်ဂျင်၏ ဆလင်ဒါအတွင်းမှ လောင်ကျွမ်းပြီးသော မီးခိုးများနှင့် မလောင်ကျွမ်းနိုင်သော ကာဗွန်အပိုင်းအစများသည် Exhaust valve ကို ဖြတ်၍ ပြင်ပလေထုသို့ ထွက်သွားပါသည်။

       တခါတရံတွင် ကာဗွန်အစအနများသည် Valve (သို့) Valve seat တွင် ကပ်နေတတ်ပါသည်။ ထိုအခါတွင် ဗါး မလုံတော့ပါ။

 

          ထိုအခါ ဖိအား ( Compression pressure ) နည်းသွားသကဲ့သို့ ( Combustion pressure ) မီးလောင်ဖိအားကိုလည်း ကျဆင်းစေပါသည်။ အင်ဂျင်၏စွမ်းရည် ( Engine Performance  ) ကို ကျဆင်းစေပါသည်။

         ထို့ကြောင့် Rotocap (or) Valve rotator များ တပ်ဆင်ပြီး Valve ကို လှည့်ပေးပါသည်။

ထို့ကြောင့်                                                            

၁။ ဗါး၏ အပူချိန်သည် ဗါးလည်ခြင်းကြောင့် မျှတစေပါသည်။ ထို့ကြောင့် တစ်နေရာထဲတွင် အပူလွန်ကဲပြီး ဗါးကောက်ခြင်း၊ လောင်ခြင်းကို မဖြစ်ပေါ်စေပါ။

၂။ ဗါးနှင့် ဗါးအထိုင် ( Valve and valve seat ) အကြားတွင် ကာဗွန်အပိုင်းအစများ မကပ်သောကြောင့် ဗါးမှ အိတ်ဇောငွေ့များ မယိုစိမ့်စေပါ။ အင်ဂျင်၏လောင်ကျွမ်းခြင်းကို မထိခိုက်စေပါ။

အလုပ်လုပ်ပုံ

     Rotocap တစ်ခုတွင် Body, Belleville spring, spring shoe, circlip, Coil spring, Ball  တို့ ပါဝင်သည်။

       Body အတွင်း အစောင်းဖေါက်ထားသော မြောင်းများ ရှိပြီး၊ ထိုအထဲတွင် Ball ကို Coil spring နှင့် ထောက်ထားသည်။

      အောက်မှ Belleville spring ( ဝါရှာစပရင်ပြား ) ကို ခံထားသည်။ အောက်တွင် Spring shoe ကို ပုံပါအတိုင်း တပ်ထားသည်။ ထို့နောက် Circlip ဖြင့် ဖမ်းထားသည်။

      Valve close အခြေအနေတွင် Belleville spring သည် Body နှင့် Spring shoe ကြား ထောက်၍ ဖမ်းထားသည်။ ထို့ကြောင့် Coil spring နှင့် Ball များသည် အောက်ပါပုံအတိုင်း ဖမ်းမိနေသဖြင့် မရွေ့လျားပါ။

      

    ( Body နှင့် Belleville spring အပြားကြားတွင် ကြားလွတ်တန်ဖိုး A ရှိနေသည်။ )

  Valve Open အခြေအနေတွင် Valve spring များ၏ ဖိအားကြောင့် Belleville spring သည် ပြားလာပြီး Ball ကို ဖိသည်။ ထိုအခါ Coil spring နှင့် ထောက်ထားသော Ball သည် ပုံပါအတိုင်း ရွေ့လျားသည်။ ( Arrow direction ကိုကြည့်ပါ။ )

      ထိုအခါ Coil spring နှင့် Ball တို့သည် အောက်ပုံအတိုင်း အတွင်းသို့ နေရာရွေ့သွားသည်။ Valve spring ၏ ဖိအားကြောင့် Belleville spring လုံးဝပြားသွားသောအခါတွင် Body ( Valve cover ) ကို မဖမ်းထားတော့ပါ။ ကြားလွတ်တန်ဖိုး A ရှိကြောင်း ပုံတွင်ကြည့်ပါ။

        ထို့ကြောင့် Body လွတ်လပ်စွာ လှုပ်ရှားနိုင်သောအခြေအနေ ဖြစ်သွားသည်။ ထိုအခြေအနေတွင် ဖိအားသက်ရောက်နေသော Coil spring ၏ တွန်းအားကြောင့် Ball သည် မူလရာသို့ ပြန်ရောက်သွားသည်။ ထိုတွန်းအားကြောင့် Body ( Valve cover ) လည်သွားသည်။

        ထိုအခါ Cotter ( Collet ) နှင့် ဆက်ထားသော Valve လည်သွားသည်။

      သတိပြုရန်အချက်များ

      အင်ဂျင်မောင်းနေစဉ်တွင် cylinder head cover ဖွင့်၍ Valve rotator ( Rotocap ) ပုံမှန် အလုပ်လုပ်ခြင်း ရှိ၊ မရှိ စစ်ဆေးနိုင်သည်။

      လိုအပ်လျှင် Body ( Valve cover ) ရှိ အပေါက်များသို့ ဆီဖြန်းပေးပါ။

      အင်ဂျင် အိုဗါဟော လုပ်လျှင် Rotocap ( Valve rotator ) များကို တခုချင်း ဖွင့်၍ စစ်ဆေးပါ။

ဘောများစား၍ မညီမညာဖြစ်လျှင် လဲပါ။

စပရင် မကောင်းလျှင် လဲပါ။

Belleville spring ရှိ Ball နှင့် ထိစပ်လျှက်ရှိသောအပိုင်းတွင် ပွန်းစားခြင်း ရှိလျှင် Belleville spring ကို လဲပေးပါ။

အင်ဂျင်ဆလင်ဒါဟက်ကို အိုဗါဟောလုပ်ပြီးလျှင် ဗါးများကို နေရာတကျပြန်တပ်ပါ။ ထိုနောက် Rotocap ပုံမှန်အလုပ်လုပ်ခြင်း ရှိ၊ မရှိ စမ်းသပ်သင့်သည်။ စမ်း

သပ်သောနည်းလမ်းမှာ ဆလင်ဒါဟက်ကို ဘေးတိုက်လုပ်လိုက်ပါ။ ဗါးနှင့် ဗါးအထိုင် ( Valve and valve seat ) ကို ဖြတ်၍ Marker pen နဲ့ မျဉ်းပြတ်တစ်ကြောင်း ဆွဲပါ။ ထို့နောက် Rotocap တပ်ထားသောဘက်မှ Valve ကို Rubber hummer နှင့်ထုပါ။ ဗါးသည် တဖြည်းဖြည်းလည်ပါမည်။ ဗါးနှင့် ဗါးအထိုင်ရှိ မျဉ်းသည် တဖြည်းဖြည်း လွဲသွားလိမ့်မည်။

လေးစားလျှက်

TWH

youtube

https://www.youtube.com/watch?v=sldUAvSLy4I

ဆိုင်ဖွန် ( Siphon ) ဆိုတာ ဘာလဲ..OWS system နဲ့ Sewage Discharge system တွေမှာ ဘာလို့ Anti-siphon valve တွေ တပ်ထားရသလဲ..

        ဆိုင်ဖွန် ( Siphon ) ဆိုတာ “U” ပုံစံပိုက်ချောင်းကို ပြောင်းပြန်လှန်ထားတာကို ခေါ်တာပါ။ ထို ဆိုင်ဖွန်ပိုက်ကို တပ်ထားခြင်းဖြင့် အပေါ်တိုင်ကီထဲမှ အရည်တစ်ခုကို အောက်တိုင်ကီသို့ ပန့်မသုံးဘဲ စီးဆင်းစေပါတယ်။

         ရေပိုက်ထဲကို အပေါ်ဖက်ကို စီးတက်သောရေထုထည်နှင့် အောက်ဖက်ကို စီးကျသော ရေထုထည်သည် တူညီမှုရှိပါတယ်။

         အရည်ထုကို အမြင့်ပိုင်းနေရာမှ ဆွဲစုပ်ယူပြီး အနိမ့်ပိုင်းနေရာကို စီးဆင်းစေခြင်းကို ဆိုင်ဖွန်စီးဆင်းခြင်း ( Siphoning ) လို့ ခေါ်ပါတယ်။

         အဲဒီလို အရည်တွေကို မစီးဆင်းချင်ရင် ဆိုင်ဖွန်ပိုက်ထိပ် အကွေးမှာ အပေါက်တစ်ပေါက် ဖေါက်လိုက်ပါ။

         အရည်စီးဆင်းမှု ရပ်တန့်သွားပါလိမ့်မယ်။

ဆိုင်ဖွန်အကွေးတွင် အပေါက်ဖေါက်ခြင်း (သို့) Anti-siphon valve တပ်ဆင်ခြင်း

        “U” ပုံစံ ပိုက်အကွေး ထိပ်မှာ အပေါက်ဖေါက်လျှင် သို့မဟုတ် Anti-siphon valve တပ်လျှင် ထိုပိုက်အတွင်း ဆိုင်ဖွန်သဘောတရားဖြစ်သော အမြင့်ပိုင်းမှ အနိမ့်ပိုင်းသို့ အရည် မစီးဆင်းနိုင်တော့ပါ။ ပိုက်အတွင်း အပေါက်မှ လေဝင်လာသောအခါတွင် ပိုက်နှစ်ဖက်အတွင်းရှိ အရည်များသည် အောက်သို့ ပြန်ဆင်းသွားပါသည်။

       ထို့ကြောင့် ဆိုင်ဖွန်စီးဆင်းခြင်း မဖြစ်စေရန်အတွက် ထိုကဲ့သို့ စီစဉ်ထားခြင်း ဖြစ်ပါသည်။ ရေမျက်နှာပြင်အကျော်တွင် အပေါက်တပ်ပိုက်ကွေး ( Vent loop ) ကို တပ်ဆင်ထားပါသည်။

       OWS system and Sewage system တို့၏ ပိုက်များသည် ရေမျက်နှာပြင်အောက်တွင် ရောက်နေပါသည်။ အကယ်၍ တစုံတစ်ခုသော အကြောင်းကြောင့် Valve မလုံလျှင် ဆိုင်ဖွန်စီးဆင်းခြင်း ဖြစ်ပေါပြီး ပင်လယ်ရေသည် OWS system, bilge tank နှင့် Sewage system- holding tank အတွင်းသို့ ပြန်လည် စီးဝင်လာနိုင်ပါသည်။

      ထို့ကြောင့် ဆိုင်ဖွန်စီးဆင်းခြင်းကို မဖြစ်စေရန် ဆိုင်ဖွန်ပိုက်ကွေးနှင့် Anti-siphoning valve ကို OWS system and Sewage system များတွင် တပ်ဆင်ထားပါသည်။

      Anti-siphoning valve ဆိုသည်မှာ No-return flap valve တစ်ခုဖြစ်ပြီး၊ ရေစီးရာလမ်းကြောင်း ( Direction ) ကို အပြင်မှ ဆိုင်ဖွန်ပိုက်ကွေးအတွင်းသို့ ပုံစံ တပ်ထားသော သာမာန်ဗါးတစ်လုံးပင် ဖြစ်ပါသည်။ ဓါတ်ပုံရှာတွေ့လျှင် ပြန်တင်ပေးပါမယ်။

Note:   : တောရွာများတွင် ရေပန့်မသုံးဘဲ ရေတွင်းမှ ရေငန်ရန်အတွက် ဆိုင်ဖွန်သဘောတရားကို အသုံးပြုထားသော ရေတင်ပုံးများ ပြုလုပ်ကြပါသည်။ 

        ထို Anti-siphoning valve နဲ့ ပတ်သက်ပြီး ကျနော်တို့ သင်္ဘော Southampton, UK တွင် PSC အဖမ်းခံရဖူးပါသည်။ ထိုရက်မတိုင်မှီ Class survey, annual ဝင်ပြီးပါပြီ။ သို့သော် PSC inspector ၂ ယောက်မှ ထိုဗါးကို ကျနော်တို့က အင်ဂျင်ခန်းအတွင်းမှ ရေဆိုးများကို အပြင်သို့ ထုတ်ရန် တပ်ဆင်ထားသည်ဟု ထင်ပါသည်။ သူတို့၏ အတွေ့အကြုံ မရှိမှုကြောင့် မှားယွင်းခြင်း ဖြစ်သည်။ ထို့ကြောင့် နောက်နေ့တွင် Surveyor ထပ်လာရှင်းပေးသောအခါတွင် အဆင်ပြေသွားခဲ့ဖူးပါသည်။

      သူတို့ကို ထိုသို့ ပုံဆွဲရှင်းပြခြင်း ၊ Web site အကိုးအကားဖြင့် ရှင်းနိုင်လျှင် သူတို့နားလည်နိုင်သော်လည်း ကျနော်တို့ မရှင်းပြနိုင်ခဲ့ပါ။

လေးစားလျှက်

လူမှုဘဝ ညီမျှစေဖို့….

      လူရယ်လို့ ဖြစ်လာရင် အလုပ်အကိုင်တစ်ခုခု ရှိရမှာပါ။ အဲဒီအလုပ်အကိုင်ကို မိမိစိတ်ကြိုက်ရွေးချယ်ရမှာပါပဲ။ ရွေးချယ်လုပ်ကိုင်ပြီးတော့မှ မကြိုက်တော့ဘူး ဆိုတာ ဖြစ်တတ်သလို… မကြိုက်ပေမယ့် အခြားရွေးချယ်စရာနည်းပါးလို့ ဆက်လက် လုပ်ကိုင်နေရတာလည်း ဖြစ်တတ်ကြပါတယ်။ အရွယ်ရောက်သူတွေချည်းမို့ မိမိရွေးချယ်မှုအတွက် မိမိတာဝန်ခံရပါလိမ့်မယ်….

      တိမ်တိုက်တွေ ဘယ်လောက်မဲမဲ ငွေရောင် အနားကွပ်လေးတွေတော့ ရှိပါတယ်…ဆိုတဲ့ အင်္ဂလိပ် စကားပုံလေးရှိပါတယ်။ ဘယ်အလုပ်အကိုင်မဆို အကောင်းအဆိုး ဒွန်တွဲနေတာပါ။…

       ဒီဘတ်ခေတ်မှာ မိမိတို့နိုင်ငံထက် ချမ်းသာတဲ့နိုင်ငံမှ နိုင်ငံသားတွေလည်း သင်္ဘောလိုက်ကြပါတယ်..

ဘာကြောင့်လဲ..

      ပိုက်ဆံမြန်မြန် ရလွယ်လို့ပါ..

      အဲဒီတော့ လူတိုင်းဝင်ရုန်းကန်နေကြတဲ့ သင်္ဘောသားဒုက္ခတွေ ခံရတာတဲ့ လူတွေ အများကြီးပါ…

ကျနော်ပြောချင်တာက…ကဲ.. ဒီအလုပ်ကိုပဲ ဆက်လုပ်နေပေမယ့် လျှော့ပါးသွားတဲ့ မိသားစုဘဝလေးတွေ ဘယ်လိုပြန်ဖြည့်မလဲ…

       ပိုက်ဆံတွေပဲ ရှာပြီး ပေးရုံနဲ့ လုံလောက်ကြမှာလား…

       အဓိကပြောချင်တာကတော့..

အိမ်ထောင်သည်ဘဝပါ။ သိတဲ့အတိုင်း အိမ်ထောင်ကျပြီး ဆိုမှတော့ မိန်းမနဲ့ကလေးတွေနဲ့ ပျော်ပျော်ရွှင်ရွှင် နေထိုင်ချင်တာ လူ့သဘာဝပါ..

       မဖြစ်တဲ့ ကိစ္စတွေကို ထိုင်ပြီး ညည်းညူနေမယ့်အစား မိမိတို့ပြန်ရောက်ချိန်မှာ မိသားစုအတွက် ဘာတွေလုပ်ကိုင်ပေးနိုင်မလဲ။ ဘာတွေ ဖန်တီးပေးနိုင်မလဲ… တွေးပြီး တတ်နိုင်သလောက် ဖြည့်ဆည်းပေးကြဖို့ပါ…

       တကယ်တော့ မိမိတို့ယောင်္ကျားတွေ အိမ်ထောင်တစ်ခုအတွက် ပိုက်ဆံရှာဖွေချိန်မှာ အိမ်ထောင်သည်မတွေလည်း ကလေးတွေ စောင့်ရှောက်၊ လုပ်ကိုင်ကျွေးမွေး၊ ထိန်းကျောင်းရတာ မအားလပ်ရပါဘူး..

       အလုပ်လုပ်ကိုင်နေရတဲ့ အိမ်ရှင်မတွေဆို အလုပ်တစ်ဖက်၊ ကလေးတစ်ဖက်နဲ့ မနည်းကို တစ်နေ့ တစ်နေ့ ရုန်းကန်နေရတာပါ..

      ဟိုဟိုဒီဒီ သွားလာလည်ပတ်ဖို့ ဆိုတာ သိပ်မအားတတ်ကျပါဘူး။

       အလည်အပတ် အပျော်ခရီးဆိုတာ ယောင်္ကျားသင်္ဘောသား ပြန်လာမှ သွားဖို့လာဖို့ အခွင့်အရေးရကြတာပါ။

       အိမ်အလုပ်ဆိုတာ ခေါင်းစဉ်တပ်လို့ မရပေမယ့် တနေကုန် တကုပ်ကုပ် အချိန်ကုန်နေရတဲ့ အလုပ်မျိုးပါ။

       ကျနော်တို့ ယောင်္ကျားများ သတိမေ့တတ်တဲ့ အချက်လေးကို ပြောပြတာပါ..

       ဘာကြောင့်လဲ ဆိုတော့ ကျနော်လဲ အိမ်ထောင်ရှင်တစ်ယောက်မို့ သိတဲ့အတိုင်း…

       အိမ်ရောက်ပြီး နောက်နေ့ဆိုတာနဲ့ ရုံးသွားမယ်ဆိုပြီး ချိန်းကြပါပြီ။ ချိန်းပြီး သောက်…ပြီးတော့ သိတဲ့အတိုင်း … တော်တော်လေး ညဉ့်နက်မှ အဆုံးသတ်နိုင်ကြတာပါ…

       နောက်နေ့ တစ်ရက် နှစ်ရက်နား…ပြီး အိမ်ကပ်နေ့… ပြီးတော့ သိပ်မကြာပါဘူး… ဘယ်သူပြန်လာလို့ ဘယ်သူပြန်ထွက်လို့ ဇာတ်လမ်းတွေ လုပ်လိုက်တာ.. နောက်တစ်ကြိမ် ကိုယ်ပြန်ထွက်တဲ့ အလှည့်ရောက်သည်အထိပါပဲ..

      အိမ်ထောင်ရှင်မ…ကတော့ အစီအစဉ်တွေ ဟိုသွား ဒီလာဖို့ ခဏ ခဏ ဆွဲပါတယ်…

      ယောင်္ကျာများလည်း …အဲဒီလို အစဉ်အစဉ်များကြားမှ မအားကျရပါဘူး…

      အခုခေတ်ဟာ အင်တာနက်ခေတ် အရမ်းမြန်တဲ့ခေတ်ရောက်နေပါပြီ..

       ဒီလိုအချိန်မှာ သားတွေ…သမီးတွေနဲ့ အပြိုင် ဂိမ်းကစားသင့်ရင် ကစားရပါမယ်.. တရင်းတနှီး ပိုနေပေးရပါမယ်…

       ဘာကြောင့်လဲဆိုတော့ အရမ်းမြန်တဲ့ခေတ်မှာ မိဘတွေ အမြန်မလိုက်ရင် သားသမီးတွေရဲ့ ခေတ်ရေစီးကြောင်းကို မမှီနိုင်တော့ပါဘူး..

       တဖြည်းဖြည်းနဲ့ မိမိဟာ ငွေလုပ်ပေးတဲ့သက်ရှိသတ္တဝါကြီး အဖြစ် ပြောင်းသွားပါလိမ့်မယ်…

       အမေ..တစ်ယောက်ထဲနဲ့ သားသမီးတွေကို ထိန်းသိမ်းနေလို့ မရပါဘူး..

       ယောင်္ကျားသားဖြစ်တဲ့ အိမ်ထောင်ဦးစီးတွေဟာလည်း စံနမူနာဖြစ်အောင် နေထိုင်ပြီး မိမိရဲ့ သား၊ သမီးတွေကို စောင့်ရှောက်ရမှာပါ…

      အဲဒီလို အဖေါ်အပေါင်းများနဲ့ မိမိအိမ်ထောင်ကြား မျှတအောင် ထိန်းညှိနိုင်မှသာ မိမိတို့ရဲ့ အိုးဝေး အိမ်ပစ် ပိုက်ဆံသွားရှာနေရတာ တန်ပါလိမ့်မယ်..

      ပိုက်ဆံတွေတော့ ရလာပါရဲ့ မိန်းမ က မလေးစား၊ သားသမီးက ဂရုမစိုက်ဆိုရင် ဒီဘဝ ဘယ်တန်ဖိုး ရှိတော့မှာလဲ..

       လူမှုဘဝမျှတ ညီညွတ်စေဖို့အရေး သတိလေးထား ဆောင်ရွက်နိုင်ကြပါစေလို့…

မိမိကိုယ်တိုင် ဖြတ်သန်းမှုအပေါ် အခြေခံ၍ ရေးသားလိုက်ရပါတယ်..

လေးစားလျှက်

အလုပ်တွေ အဆင်ချောစေဖို့

      ကျနော့်ညီငယ်တစ်ယောက် ဂျပန်နိုင်ငံက ကူညီထားတဲ့ အင်ဂျင်နီယာသင်တန်းတစ်ခုမှာ တက်နေပါတယ်။ သင်တန်းအပြီး အလုပ်ခန့်ဖို့ မြန်မာနိုင်ငံမှာရှိတဲ့ဂျပန်ကုမ္ပဏီတစ်ခုမှ ကျောင်းသားတွေကို ရွေးချယ်ခေါ်ယူပါတယ်။ ရွေးချယ်ခံရတဲ့လူစာရင်းမှာ အတန်းထဲရှိ အတော်ဆုံးကျောင်းသား မပါဝင်ပါဘူး။ 

ဘယ်ကျောင်းသားတွေကို ရွေးချယ်လိုက်သလဲ ဆိုတာကတော့ စိတ်ဝင်စားစရာပါပဲ။

        ကျောင်းတက်အမှန်ဆုံးကျောင်းသားတွေကို ရွေးချယ်လိုက်ပါသတဲ့။ ရွေးချယ်ခဲ့တဲ့ဂျပန်က ဒီလိုပြန်ရှင်းပြပါတယ်။

“ ငါတို့ဂျပန်မှာ စည်းကမ်းလိုက်နာခြင်း- ၅၀%၊ အင်ဂျင်နီယာရင်း- ၅၀ % ပါတဲ့။ မတတ်တဲ့လူကို တတ်အောင်သင်ဖို့ ဖြစ်နိုင်ပေမယ့်၊ စည်းကမ်းမလိုက်နာသူကို လိုက်နာအောင် လုပ်ဖို့ဆိုတာ ခက်တယ်”

        နေရာအတော်များများမှာ ကြားရတတ်တဲ့စကားတွေက

“ငါတို့ ရွှေတွေက လက်ပါတယ်။ တကယ်လုပ်နိုင်တယ်။ ဖါးတွေက ဘာမှ လုပ်တာ မဟုတ်ဘူး။ ဟိုကောင်တွေက …. မတတ်ဘူး။ ….တွေက စကားပဲ ပြောတတ်တာ…”

        အစရှိသည့် တတ်ကြောင်း၊ လုပ်နိုင်ကြောင်း စကားလုံးတွေပါပဲ။

“ငါတို့ ရွှေတွေ ညီညွတ်ကြတယ်။ …” လို့ ပြောတာ ကြားဖူးကြမှာ မဟုတ်ပါဘူး။

        တကယ်တော့ ယနေ့ခေတ်ဆိုတာ ပူးပေါင်းပြီး ယှဉ်ပြိုင်ကြတဲ့ခေတ်ပါ။ တစ်ဦးချင်း တစ်ယောက်ချင်း လုပ်ဆောင်နိုင်ကြတဲ့ခေတ် မဟုတ်ပါဘူး။ လူတွေ အတူတကွ ပူးပေါင်းလုပ်ကိုင်ကြမယ်ဆိုရင် ဆောင်မြင်ဖို့အတွက် အဓိကအကျဆုံး ကိစ္စဟာ ကိုယ့်အကျိုးထက် ကိုယ့်အဖွဲ့အစည်း အကျိုးစီးပွါးကို ဦးစားပေးရပါမယ်။

        ကိုယ့်အတ္တလေးကို ကွက်ပြီး ရှေ့တန်းတင်နေရင် အဖွဲ့အစည်းရဲ့ပန်းတိုင် အောင်မြင်မှာ မဟုတ်ပါဘူး။ သင်္ဘောသားအလုပ်ဆိုတာဟာ ပူးပေါင်းလုပ်ဆောင်ရမယ့် အလုပ်တွေပါ။ မိမိကျရာတာဝန်ကို လုပ်ကိုင်ရင်း၊ အခြားသင်္ဘောသားတွေနဲ့ အတူတကွ ပူးပေါင်းဆောင်ရွက်လို့ ပင်လယ်ပြင်မှာ ရုန်းကန်လှုပ်ရှားနေရတာပါ။

        လုပ်ကိုင်ရာမှာ ထိရောက်မှုရှိဖို့ ကိုယ်ပိုင်တာဝန်တွေကို ပေးထားသော်လည်း အခြားအလုပ်တွေဆိုတာလည်း မိမိနှင့် ပတ်သက်နေတယ်ဆိုတာ မေ့ထားလို့ မရပါဘူး။

        ဘေးအန္တရာယ်ဖြစ်နိုင်တဲ့ကိစ္စတွေ တွေ့ခဲ့ရင် မိမိရဲ့တာဝန်ချိန် မဟုတ်သော်လည်း ကူညီလုပ်ကိုင်ပေးရပါမယ်။ တခုခုဖြစ်လာခဲ့ရင် ပြေးစရာ မြေမရှိတဲ့သင်္ဘောသားဘဝပါ။

        အပြန်အလှန်ပူးပေါင်းဆောင်ရွက်လေ့ မရှိဘဲ ကိုယ့်ကျိုးကို ရှေ့တန်းတင်ကြတဲ့အခါ၊ ခိုက်ရန်ဖြစ်ပွါးမှုများ ၊ အဆင်မပြေမှုများ ရှိလာတတ်ပါတယ်။ 

        ဒါကြောင့် အပြန်အလှန် နားလည်မှုပေးပြီး၊ ပိုမိုလုပ်ကိုင်လေ့ရှိကြမယ်ဆိုရင် ကျနော်တို့ ဒီထက်ပိုပြီး အလုပ်ဝေစုတွေရပါလိမ့်မယ်။ ခိုက်ရန်ဖြစ်ပွါးမှုတွေ လျှော့ချနိုင်ပြီး ကောင်းသတင်းတွေ ပိုမိုဝေဖြာပါလိမ့်မယ်။

        တွေးမိသမျှလေးပါ…

လေးစားလျှက်

TWH