လက်ချောင်းလေး ဖြတ်လိုက်ရခြင်း

ထိခိုက်မှုမဖြစ်ပွါးခင်း တစ်လခန့်မှာ ရေချိုချက်စက်( Fresh water generator ) ၏ လေဟာနယ်ဒရမ်အဖုံး၏ ဂက်စကက် ( Vacuum drum cover gasket ) သည် ယိုစိမ့်မှုဖြစ်နေသည်ကို တွေ့ရပါသည်။ အပိုပစ္စည်းများကို မှာထားသော်လည်း နောက်ကျနေပါသည်။ ထိုကြားကာလတွင် သင်္ဘောသားများသည် ပျက်စီးနေသောဂက်စကက်ကို စီလီကွန်ကော်( Silicone sealant ) သုံး၍ ပြုပြင်ခဲ့ပါသည်။ 

          အပိုပစ္စည်းများ ရောက်လာသောအခါ Chief Engineer သည် Second Engineer ၏အကူအညီဖြင့် ဂက်စကက်အသစ်ကို စတင်တပ်ဆင်ပါသည်။ ထိုအလုပ်လုပ်နေစဉ်တွင် Second engineer သည် အခြားအလုပ်တစ်ခုကို သွားကြည့်ရန် ထွက်ခွါသွားသည်။  အဖုံးပလိတ်ပြားကို ဖြတ်နေသော Chief Engineer ကို ကူညီသူ မရှိတော့ပါ။ CE သည် အဖုံးပလိပ်ပြားကို ဖမ်းထားသောနပ်များ  ( Holding nuts ) ကို ဖြုတ်လိုက်ပြီး၊ အဖုံးပလိပ်ပြားကို ဆွဲဖွင့်လိုက်ပါသည်။ အဖုံးပလိပ်ပြားသည် အနည်းငယ်ကျပ်နေပြီးနောက် အပြင်သို့ ရုတ်တရက်ပွင့်ထွက်လာပြီး လက်ချောင်းလေးပေါ်သို့ ပိကျလာပါသည်။ လက်ချောင်းလေးသည် အဖုံးပလိပ်ပြားနှင့် FWG casing ကြားတွင် ညှပ်နေပြီး၊ အဖုံးပလိပ်ပြားက ကြိတ်ချေလိုက်ပါသည်။

          CE သည် သင်္ဘောကပ္ပတိန်ထံသို့ ချက်ချင်းအကြောင်းကြားပြီး၊ ရှေးဦးသူနာပြုစုခြင်းကို ခံယူပါသည်။ သင်္ဘောသည် ဆေးဝါးကုသမှုခံယူရန် အနီးဆုံးဆိပ်ကမ်းသို့ လမ်းကြောင်းပြောင်းပြီး၊ နေ့ဝက်ခန့်အကြာတွင် ဆိပ်ကမ်းသို့ ရောက်ရှိပါသည်။ လက်ချောင်းလေးထိပ်ဖျားရှိ အရိုးနှင့် တစ်ရှုးများကို တော်တော်များများ ထိခိုက်မှုသောကြောင့် ထိခိုက်မိသောလက်ချောင်းမှာ ဖြတ်ရမည်ဖြစ်သည်။ CE သည် ဆေးရုံတွင် ၂ရက်ကြာပြီးနောက် သင်္ဘောပေါ်သို့ ပြန်ရောက်ပါသည်။ ၁၀ရက်ခန့်အကြာတွင် ပြန်လည်ကောင်းမွန်လာပြီး၊ တာဝန်များကိုပြန်လည်ထမ်းဆောင်နိုင်ပါသည်။

Root Cause/ Contributory factors

( အခြေခံအကြောင်းအရင်းများ)

-      အလုပ်ကို မစတင်မှီတွင် ဘေးအန္တရာယ်တွက်ချက်ခြင်း ( risk assessment ) မလုပ်ပါ။

-      လေးလံသောအဖုံးကို ကိုင်တွယ်စဉ် ကူညီသူမရှိပါ။

-      ပျက်စီးနေသောဂက်စကက်ကို စီလီကွန်ကော်( Silicone sealant ) သုံး၍ ပြုပြင်ခြင်းသည် မသင့်တော်သောပြုပြင်ခြင်း ဖြစ်သည်။ ကောင်းမွန်သောဂက်စကက်ကို ပြန်လည်အစားထိုးသော အခါ ပလိပ်ပြားများသည် အလွယ်တကူအပြင်သို့ ထွက်လာပါသည်။

-      အပူဒဏ်ခံရသော စတီးပလိပ်ပြားများကို လျှော့တွက်၍ စဉ်းစားသည်။ အပူဒဏ်ကို ရုတ်တရက် ဖယ်ရှားလိုက်သောအခါ စတီးပလိပ်ပြားများသည် စပရင်ကဲ့သို့ ရုန်းထွက်လာပါသည်။

-      အပိုပစ္စည်းရောက်ရှိချိန် ကြန့်ကြာပါသည်။

Corrective/ Preventive actions

ပြုပြင်သင့်သော အချက်များ

အခြားသောသင်္ဘောများသို့ ထိခိုက်မှုကို အသိပေးရန်

-      ဘေးအန္တရာယ်တွက်ချက်မှု( Risk assessment ) ကို အလုပ်မစတင်မှီ ပြုလုပ်ရန်နှင့် အကျိုးဆက်များအတွက် ကန့်သတ်ထိန်းချုပ်မှုများ ပြုလုပ်ရန်။

-      မှန်ကန်သောဂက်စကက်နှင့် ဆီးလ်များ ( Seals ) ကို အသုံးပြုရန်။ ခဏတာပြုပြင်ထားခြင်းကို ရှောင်ရှားရန်။

-      အပူဒဏ် သို့ ဖိအားသက်ရောက်ခံရသောကိရိယာများကို မသင့်တော်သောဆီးလ်ပစ္စည်းများ ( inappropriate sealing materials ) သုံးလျှင် ဖြစ်နိုင်သည့်အန္တရာယ်များ။

( IHS – Safety at Sea – June 2010 - မှ ဘာသာပြန်ဆိုခြင်း ဖြစ်ပါသည်။ )

ဓါတ်လိုက်သေဆုံးခြင်း

      အမေရိကန်ကမ်းခြေစောင့်တပ်ဖွဲ့ ( US Coast Guard ) သည် သင်္ဘော၏လျှပ်စစ်စနစ်များ ပြုပြင်ခြင်း၊ ထိန်းသိမ်းရေးလုပ်ငန်း အရေးကြီးပုံများကို ဘေးအန္တရာယ်ကင်းရှင်းရေးသတိပေးချက် ( Safety alert ) ထုတ်ပြန်ပါသည်။ ပိတ်ထားသောနေရာများ၊ အလွယ်တကူမရောက်ရှိနိုင်သောနေရာများရှိ လျှပ်စစ်စနစ်များသည်လည်း ပြုပြင်ထိန်းသိမ်းရန် ပါဝင်ပါသည်။ 

          မကြာသေးမှီက Great Lakes Bulk Carrier သင်္ဘောတွင် ငယ်ရွယ်သောသင်္ဘောသားတစ်ဦး ဓါတ်လိုက်သေဆုံးရပါသည်။ သူသည် သင်္ဘော၏ကုန်ခန်း ( Cargo hold ) အောက်ဖက်ရှိ မဲမှောင်နေသော၊ အလုံပိတ်လှိုဏ်ခေါင်း ( Dark and confined cargo tunnel ) အတွင်း အလုပ်လုပ်နေစဉ် ဓါတ်လိုက်သေဆုံးရခြင်း ဖြစ်ပါသည်။ ထိုသင်္ဘောသားကို သွား၍ ကူညီသည့် အခြားသင်္ဘောသားသည်လည်း ထိုနေရာတွင် ဓါတ်လိုက်ခံရပြီး ဒဏ်ရာပြင်းထန်စွာရရှိသွားသည်။

          စုံစမ်းစစ်ဆေးမှုများ၏ တွေ့ရှိချက်အရ သင်္ဘောသားများ၏ ဦးခေါင်းသည် အပေါ်ရှိပျက်စီးနေပြီး၊ ထိန်းသိမ်းမှုကင်းမဲ့သော ( Damaged and improperly repaired )  မီးလုံးအထိုင်ခေါင်း ( Lamp fixture )ကို ထိမိခြင်းဖြစ်သည်။ အထိုင်ခေါင်းတွင် မီးသီး( Bulb )၊ ဖန်အကာ( Globe ) နှင့် အကာအရံ( guard ) များ တပ်ဆင်ထားခြင်း မရှိပါ။ မီးလုံးအထိုင်ကို ကော်နက်ရှင်းပုံး ( Connection box ) မှ ဖြုတ်လိုက်ပြီးသောအခါ အထိုင်နှင့် ပုံးအကြား ဆက်သွယ်ထားသောဝါယာများကို ပြန်လည်နေရာ ချထားခြင်း မပြုဘဲ မီးကာတိပ် ( Insulation tape ) ကို အသုံးပြု၍  ပြန်လည်တပ်ဆင်ထားခြင်း ဖြစ်နိုင်ပါသည်။ 

          ကော်နက်ရှင်းပုံးသည်လည်း မြေစိုက်ထားခြင်း ( earth ချထားခြင်း ) မရှိပါ။ အဘယ်ကြောင့်ဆိုသော် သတ္တုချိတ်များ ( Solid metal fasteners ) ကို သုံးရမည့်အစား ပလပ်စတစ်ဝါယာချိတ်များ ( Plastic cable ties ) ကို အသုံးပြုထားပါသည်။

          သင်္ဘောသားအားလုံးသည် မိမိတို့ဘေးအန္တရာယ်ကင်းရှင်းရေးအတွက် အစွမ်းကုန်လုပ်ဆောင်သင့်သလို၊ မိမိတို့၏ လုပ်ဖေါ်ကိုင်ဖက်များ ဘေးကင်စေရေးအတွက် သတင်းပို့ခြင်း၊ အန္တရာယ်မကင်းသောအခြေအနေများ ( Unsafe conditions ) ကို ပြုပြင်ခြင်းတို့ လုပ်ဆောင်သင့်ပါသည်။ သင်္ဘောရှိအုပ်ချုပ်သူများနှင့် ဆိပ်ကမ်းရှိအုပ်ချုပ်သူများသည် အန္တရာယ်မကင်းသောအခြေအနေများ ( Unsafe conditions ) ကိုတွေ့ရှိလျှင် သတင်းပို့ခြင်း၊ ပြုပြင်ခြင်းတို့ ပြုလုပ်စေရန် ထိရောက်သောအစီအစဉ်များ ( effective programmes ) ထားရှိရန်၊ ထူထောင်ရန် အလွန်အရေးကြီးပါသည်။

          သင်္ဘောပေါ်ရှိ လုံခြုံဘေးကင်းစေရေးစနစ် ( Safety management system )

တွင် ထိုအချက်များကို အကျယ်တဝင်ဖေါ်ဆောင်သင့်ပါသည်။ ယခုထိခိုက်မှုတွင် ဘေးအန္တရာယ်ဖြစ်နိုင်သောအခြေအနေ ( Hazardous condition ) ကို တွေ့ရှိပါသည်။ သို့သော် ပြုပြင်ထိန်းသိမ်းမှုမှာ မလုံလောက်ပါ။ ဘေးအန္တရာယ်ရှိနိုင်သောအခြေအနေ ( Unsafe condition ) ကို ဖယ်ရှားနိုင်ခြင်း မရှိပါ။

          ထိုသတိပေးချက်တွင် အမေရိကန်ကမ်းခြေစောင့်တပ်ဖွဲ့ ( US coast guard ) မှ သင်္ဘောပိုင်ရှင်များ၊ စီမံအုပ်ချုပ်သူများ၊ ပို့ကပ္ပတိန်များ ( Port captains and engineers ) နှင့် အင်ဂျင်နီယာများ၊ သင်္ဘောသားများနှင့် ရေကြောင်းစစ်ဆေးရေးအဖွဲ့ဝင်များ( Crew members and marine inspection personnel )၊ အထူးသဖြင့် သင်္ဘောအဟောင်းများနှင့် ပတ်သက်သူများအားလုံး ( especially those associated with older vessels ) ကို ထိုကဲသို့ထိခိုက်မှုများအတွက် ပြင်းထန်စွာ သတိပေးလိုက်ပါသည်။ ထိုကဲ့သို့ထိခိုက်မှုများ မဖြစ်ပွါးစေရန် သတိထားရန်၊ ချက်ချင်းအရေးယူဆောင်ရွက်ရန်၊ သတင်းပေးပို့ရန်၊ သင့်တော်သောမှတ်တမ်းထားရှိရန် နှင့် မည့်သည့်ဘေးအန္တရာယ်အခြေအနေကိုဖြစ်စေ ပြုပြင်ရန် ဖြစ်ပါသည်။

( IHS – Safety at Sea - မှ ဘာသာပြန်ဆိုခြင်း ဖြစ်ပါသည်။ )