ကျွန်တော့်ဘေးမှာ ဖြစ်ပွါးခဲ့တဲ့ Accident တစ်ခု

၂၀၁၃ ခုနှစ်မှာ ကျွန်တော် 1/E ရာထူးနဲ့ M.V …     သင်္ဘောမှာ အလုပ်လုပ်နေပါတယ်။ အင်ဒိုနီးရှားဆိပ်ကမ်းတစ်ခုမှာ ကျွန်တော်တို့သင်္ဘော ကုန်တင်ပါတယ်။ သံမြေကြီးပါ။ ကမ်းမှာ ကပ်ပြီး ကုန်တင်တာ မဟုတ်ပါဘူး။ သင်္ဘော ကျောက်ချထားပါတယ်။ Barge ကြီးနှစ်ခု သင်္ဘောဘေးမှာ လာကပ်ပါတယ်။ Barge ကြီးပေါ်မှာ သံမြေကြီးနဲ့ Bulldozer ကြီးတစ်စီးစီ ပါတယ်။ သင်္ဘောပေါ်မှ Crane နဲ့ Barge ကြီးပေါ်မှ သံမြေကြီးကို ကော်ယူပြီး တင်တာပါ။ 

        ကရိန်းရဲ့ Grab တွေဟာ Battery-operated ဖြစ်လို့ ၈ နာရီ တစ်ခါလောက် ဘက်ထရီလဲလှယ်ရပါတယ်။

        အဲဒီနေ့က ကျွန်တော့်ကို မနက် ၆ နာရီလောက် Crane ပျက်လို့ဆိုပြီး၊ စက်ချုပ် လာနိုးပါတယ်။ ကရိန်းရပ်တဲ့အချိန်မှာ Grab battery လဲရအောင် ကျွန်တော် 3/E ကို နိုးပါတယ်။ ကရိန်းက ဆီပူလို့ cut-off ဖြစ်သွားတာပါ။ Sensor မကောင်းတော့ By-pass လုပ်ပြီး၊ ကရိန်းကို ခဏရပ်ခိုင်းထားလိုက်ပါတယ်။ ကျွန်တော်နဲ့ C/E က တက်လိုက် ဆင်းလိုက်၊ ပစ္စည်း သွားယူလိုက်နဲ့ပါ။

        ကရိန်းရဲ့ Grab က Barge ကြီးပေါ်မှာ ချထားပါတယ်။ 3/E က ဘက်ထရီ သွားလဲလိုက်ဦးမယ်လို့ ကျွန်တော့်ကို ပြောပြီး တပ်ထားတဲ့ Pilot Ladder မှ ဆင်းသွား ပါတယ်။ သစ်သားချောင်းအလုံးသေးလေးတွေ တပ်ထားတဲ့ Pilot Ladder ပါ။ မနက်ပိုင်း ၆ နာရီကျော်ဖြစ်လို့ Deck Officer အနေနဲ့ 3/O တာဝန်ကျပါတယ်။ Cargo တွက်ဖို့ Draft ဖတ်နေပါတယ်။ 

        ကျွန်တော် ကရိန်းနာမှ ဖြတ်သွားချိန်မှာ Pilot Ladder နားမှာ 3/O နဲ့ Duty A/B ရှိပါတယ်။

“3/E တောင် အောက်ကိုဆင်းသွားပြီဆိုတော့ ငါလဲ အောက်ဆင်းပြီး Draft ဖတ်လိုက်ဦးမယ် ” လို့ 3/O က Duty A/B ကို လှမ်းပြောသံကို ကြားလိုက်ရပါတယ်။

        ကျွန်တော်လဲ အင်ဂျင်ခန်းထဲကို ပစ္စည်းသွားယူပြီး၊ ပြန်လာပါတယ်။ အဲဒီ Pilot Ladder နားမှ ဖြတ်ပြီး၊ ကရိန်းဆီသို့အသွားမှာ ဒီလိုကြားလိုက်ရပါတယ်။

“ငါတော့ လက်အံသေနေပြီ။ မတက်နိုင်တော့ဘူး။” လို့ 3/O မှ A/B ကို လှမ်းပြောလိုက်ပါတယ်။

“အဲဒီဆို ကြိုးကိုလက်နဲ့ မကိုင်ထားနဲ့။ လက်နဲ့ လိမ်ပတ်ထားလိုက်” လို့  A/B မှ 3/O ကို လှမ်းပြောပါတယ်။

3/O ရဲ့အသံဟာ ပုံမှန်ပြောနေကြအသံပါပဲ။ ကျွန်တော့်စိတ်ထဲမှာ ထူးထူးခြားခြား မခံစားရပါဘူး။ ဘာကြောင့်လဲဆိုတော့ 3/O အနေနဲ့ Pilot Ladder ကို မတက်နိုင်ဘူးဆိုတာ မဖြစ်နိုင်တဲ့ကိစ္စပါ။ ကရိန်းပေါ်မှာ စောင့်နေတဲ့ C/E ဆီကို ကျွန်တော် ဆက်သွားပါတယ်။

ကရိန်းဆီမှ ပြန်အဆင်းမှာ A/B ရဲ့အော်သံကြားလိုက်ရပါတယ်။

“ 3/O.. ပြုတ်ကျသွားပြီ”

အောက်ကို လှမ်းကြည့်လိုက်တော့ Barge နဲ့ သင်္ဘောအကြားမှာ 3/O ပက်လက်လန်ပြီး၊ လဲနေပါတယ်။ Barge ပေါ်မှာ အလုပ်လုပ်နေတဲ့ 3/E ကို 3/O ဆီကို သွားဖို့ လှမ်းအော်ပြောလိုက်ပါတယ်။

အဲဒီနောက် ကျွန်တော်လဲ သူကြီး၊ ကုန်းချုပ်တို့ကို လိုက်နှိုးပြီး ခေါ်ပါတယ်။ လူစုပြီးတော့ Draft ဖတ်ရင်သုံးတဲ့ ခြင်းထဲကို ထည့်ပြီး ကရိန်းနဲ့ အပေါ်ကို သယ်လာပါတယ်။ 

ကုမ္ပဏီကိုအကြောင်းကြားတော့ ကုမ္ပဏီမှ စီစဉ်ပေးပါတယ်။ အင်ဒိုနီးရှားမှ စင်ကာပူကို စင်းလုံးငှား Boat နဲ့ 3/O ကို ချက်ချင်းသယ်သွားပေးပါတယ်။ လေယာဉ်နဲ့တင်ဖို့က ချက်ချင်း စီစဉ်လို့ မဖြစ်လို့ပါ။ ကုမ္ပဏီဖက်မှ တာဝန်ကျေပါတယ်။ စင်ကာပူမှာ ဆေးရုံတင်ထားပေးပါတယ်။

နောက်ပိုင်း ကျွန်တော်လဲ 3/O သတင်းကို မကြားရတော့ပါဘူး။ sign-off လုပ်ပြီး အိမ်ပြန်လာခဲ့ပါတယ်။ တရက်မှာတော့ ကုမ္ပဏီမှ ကျွန်တော့်ကို လှမ်းခေါ်ပါတယ်။ 3/O ကို လျှော်ကြေးပေးတဲ့အချိန်မှာ အသိသက်သေလုပ်ပေးဖို့ပါ။

3/O ကို ပြန်တွေ့ချိန်မှာ လက်ကိုင်တုတ်တစ်ချောင်းနဲ့ပါ။ ခါးရိုးရှိ အရိုးချပ်ပြားချွန်လေးတွေ ကြေသွားတယ်လို့ ပြောပါတယ်။ လက်ကိုင်တုတ်ကို အားပြုပြီး၊ လမ်းလျှောက်နိုင်ပေမယ့် သူ့ရဲ့သင်္ဘောသားဘဝ ဆုံးသွားပါပြီ။ 

အဲဒီလို Accident ဖြစ်အပြီး၊ ၂ လ၊ ၃ လ လောက် ကျွန်တော့်နားထဲမှာ 3/O ရဲ့စကားသံတွေကြားနေပါတယ်။ ကိုယ့်ဘေးနားမှာ Accident တွေ၊ အန္တရာယ်တွေဟာ အမြဲတမ်းရှိနေပြီး အချိန်မရွေးကြရောက်နိုင်တယ်ဆိုတဲ့အသိကို တိုက်ရိုက်ခံစား သိလိုက်ရပါတယ်။ 

ကျွန်တော်တို့ရဲ့နေစဉ်လုပ်ငန်းခွင်ထဲမှာ ဘေးအန္တရာယ်တွေ ( Risks ) အမြဲရှိပါတယ်။ ဆေးဝါးကုသမှု ( Medical Aids ) ကို အမြဲရမယ်ဆိုတာ မသေချာပါဘူး။ ကြိုးရစ်ရင်း ကြိုးပြတ်ပြီး ထိမိနိုင်တယ်။ ခြေထောက်ကို ကြိုးရစ်ပတ်ပြီး၊ ရေထဲလိမ့်ကျနိုင်တယ်။ ဆေးသုတ်ရင်းလိမ့်ကျနိုင်တယ်။ Grinder စားရင်း ကျောက်မှန်နိုင်တယ်။ Wire brush စားရင်း ဝါယာမျက်စိထဲဝင်နိုင်တယ်… အစရှိတဲ့ ဘေးအန္တရာယ်ကြားမှာ ဘေးအန္တရာယ်ဆိုင်ရာအသိတရား၊ သတိတရားတွေနဲ့ အလုပ်လုပ်ကြရတာပါ။ ဘေးကင်းရှင်းစေရေးအတွက် ချမှတ်ထားတဲ့ စံလုပ်ထုံးလုပ်နည်းများ ( SOP- Standard Operating Procedures ) ကိုလည်း တတွေမတိမ်းလိုက်နာဖို့ လိုအပ်ပါတယ်။

အဲဒီလို အဖြစ်အပျက်လေးနောက်မှာ ကျွန်တော် မြန်မာသင်္ဘောသားတွေ ဖတ်ဖို့အတွက် Accident Case Study ဆောင်းပါးလေးတွေ ဘာသာပြန်ဖြစ်သလို၊ မှတ်ဖွယ်မှတ်ရာလေးတွေကို Blog လေးလုပ်ပြီး ရေးဖြစ်ပါတယ်။ သင်္ဘောသား တစ်ဦးစီမှာ မှီခိုနေတဲ့ မိသားစုတစ်ခုစီရှိကြပါတယ်။ သင်္ဘောသားဘေးရန်ကင်းစွာ အလုပ်လုပ်နိုင်ခဲ့ရင် သူ့မိသားစု စိတ်ချမ်းသာပြီး အဆင်ပြေပါလိမ့်မယ်။

မြန်မာသင်္ဘောသားများ ဘေးရန်ကင်းဝေးကြပါစေ…

တင်ဝင်းထွန်း

ကြီးပွါးတိုးတက်ကြောင်း သမ္ပဒါတရားလေးပါး

ယခု ပိုစ့်လေးသည် သင်္ဘောသား ဘလော့နှင့် မဆိုပါဟု ဆိုသော်လည်း ကျွန်တော်တို့ သင်္ဘောသားများသည် ကြမ်းတမ်းသောပင်လယ်ပြင်တွင် လုပ်ကိုင်ရင်း မိမိတို့၏မိသားစုဘဝများ အတွက် ရှာဖွေအသက်မွေးဝမ်းကြောင်းနေကြခြင်းဖြစ်ပါသည်။ သင်္ဘောသားများ၏ ဘဝလှပစေရေးအတွက် ဗုဒ္ဓဟောကြားထားသောဒေသနာများမှ ထုတ်နုတ်ပြီး၊ တင်ပြခြင်းဖြစ်ပါသည်။

ဘုရားရှင်သည် မျက်မှောက် ချမ်းသာစီးပွါး၊ တမလွန် ချမ်းသာစီးပွါးတို့ ဖြစ်စေနိုင်သောတရားကို တပည့်ဒါယကာ၊ ဒါယကာမတို့အား ဟောကြားတော်မူပါဘုရား ဟု လျှောက်ထားသဖြင့် သမ္ပဒါတရားလေးပါးကို ဘုရားရှင်ဟောကြားတော်မူသည့်အကြောင်း အဌကအင်္ဂုတ္တရပါဌိတော်၊ ဒီဃာဇာဏျာသုတ်၌ တွေ့ရပါသည်။ 

ထိုသမ္ပဒါတရားလေးပါးမှာ

က) ထကြွလုံ့လ ဝီရိယနှင့် ပြည့်စုံရခြင်း ( ဥဌာနသမ္ပဒါ )

ခ) လက်ရှိ ဥစ္စာစီးပွါး မပျက်ပြားအောင် စောင့်ရှောက်ရခြင်းနှင့် ပြည့်စုံရခြင်း ( အာရက္ခသမ္ပဒါ )

ဂ) မျှတစွာ အသက်မွေးမြူရခြင်း ( သမဇီဝိတာ သမ္ပဒါ )

ဃ) မိတ်ကောင်း ဆွေကောင်းရှိရခြင်း ( ကလျာဏမိတ္တတာ သမ္ပဒါ ) တို့ ဖြစ်ပါသည်။

          ဤလေးပါးကို မှတ်သားရလွယ်ကူရန် ညောင်တုန်းမြို့ ရွှေဟင်္သာတောရတိုက် ပထမစံကျောင်းဆရာတော် ဘုရားကြီးက “ထကြွသိမ်းဆဲ(ဆည်း)၊ မျှသုံးစွဲ၊ ပေါင်းမြဲမိတ်ဆွေကောင်း၊ ဤလေးပါးသာ၊ လောကီမှာ၊ မှန်စွာကြီးပွါးကြောင်းဟု လင်္ကာစီကုံးထားပေသည်။”

          “သမ္ပဒါ” ဆိုသည်မှာ အလိုရှိတိုင်း ပြည့်စုံစေနိုင်သော အကြောင်းတရားများဟု အဓိပ္ပါယ်ရသည်။ မျက်မှောက်လောကတွင် အရေးအကြီးဆုံးမှာ ရွှေငွေဘဏ္ဍာ၊ ဥစ္စာရတနာများပင်ဖြစ်သည်။ ထိုရွှေငွေဘဏ္ဍာ၊ ပစ္စည်းဥစ္စာတို့နှင့် ပြည့်စုံနိုင်ရန်မှာ ဤသမ္ပဒါတရားလေးပါးတို့သာ အကြောင်းရင်းများ ဖြစ်ကြသည်။

          က) ထကြွလုံ့လ ဝီရိယနှင့် ပြည့်စုံခြင်း ( ဥဌာနသမ္ပဒါ )

          ပစ္စည်းဥစ္စာ ရတနာတို့ကို ရှာမှီးစုဆောင်းရာ၌ ကံ၊ ဥာဏ်၊ ဝီရိယ သုံးမျိုးရှိသည်တွင် ကံကောင်း မကောင်းကို သိနိုင်ရန် ခဲယဉ်းသည့်အတွက် အတိတ်ကံကို မျှော်လင့်အားကိုးမနေရ၊ လက်ရှိပြုလုပ်နိုင်သည့် ပစ္စုပ္ပန်ကံဟု ဆိုရသော ဝီရိယကိုသာ ဥာဏ်နှင့်ယှဉ်၍ အားထုတ်ရမည်။

          ထကြွလုံ့လ ဝီရိယရှိရမည် ဆိုသော်လည်း ထိုလုံ့လဝီရိယသည် ဥာဏ်နှင့်ပြည့်စုံခြင်း ( ဥာဏသမ္ပတ္တိ)၊ အကွက်ကောင်း၊ နေရာကောင်းရှိရခြင်း(ဂတိသမ္ပတ္တိ)၊ အသွင်အပြင် လှပခံ့ညားခြင်း၊ ကိရိယာတန်ဆာပလာတို့နှင့် ပြည့်စုံခြင်း (ဥပဓိသမ္ပတ္တိ)၊ သင့်လျှော်အံဝင်သော အချိန်ကာလဖြစ်ခြင်း (ကာလသမ္ပတ္တိ)၊ အားထုတ်သင့်သည်ကို အားထုတ်ခြင်း၊ အားမထုတ်သင့်သည်ကို အားမထုတ်ဘဲ နေထိုင်ခြင်း (ပယောဂ သမ္ပတ္တိ) ဟူသော အင်္ဂါငါးရပ်တို့နှင့် ပြည့်စုံမှသာ လုံ့လဝီရိယရှိသလောက် အကျိုးစီးပွါး ဖြစ်ထွန်းနိုင်ပေသည်။

          ခ) ဥစ္စာစီးပွါး မပျက်ပြားအောင် စောင့်ရှောက်ရခြင်း ( အာရက္ခသမ္ပဒါ )

          ဤဒေသနာတော်၏ အဓိပ္ပါယ်အတိုချုပ်မှာ ရေ၊ မီး၊ မင်း၊ ခိုးသူ၊ အမွေခံ သားဆိုး၊ သမီးဆိုး ဟူသော ရန်သူမျိုးငါးပါးကြောင့် မိမိလက်ရှိစီးပွါးဥစ္စာရတနာများ မလျော့ပါး၊ မပျက်ပြားရအောင် ထိန်းသိမ်းစောင့်ရှောက်ရမည်ဟု ဟောတော်လိုရင်း ဖြစ်ပေသည်။

          ဂ) မျှတစွာ အသက်မွေးမြူခြင်း ( သမဇီဝိတာသမ္ပဒါ )

          ဤဒေသနာတော်ကို အနည်းငယ်ရှင်းပြရသော် မျှတစွာအသက်မွေးခြင်း ( သမဇီဝိတ သမ္ပဒါ) ဆိုသည်မှာ “ဝန်နှင့်အား၊ လေးနှင့်မြှား” ဆိုသကဲ့သို့ မိမိတို့၏ ဝင်ငွေအင်အားနှင့် ထွက်ငွေအင်အားတို့ကို မျှတအောင် သုံးစွဲရခြင်းပင် ဖြစ်သည်။

          ဝင်ငွေနည်းသော်လည်း မိမိ၏ပမာဏကို မကြည့်ဘဲ ပစ္စည်းဥစ္စာအင်အားနှင့် မမျှမတ အထက်တန်းကျကျ ဝတ်စားနေထိုင်သောသူတို့သည် ရေသဖန်းသီးကို လှုပ်ခြွေစာားသူနှင့် တူ၏။ ရေသဖန်းသီးမှည့်ကို စားလိုသောသူသည် သဖန်းပင်ကို လှုပ်ခြွေပြီး မိမိအလိုရှိရာ တစ်လုံးနှစ်လုံးမျှကိုသာ စားပြီး များစွာသော သဖန်းသီးတို့ကို အကျိုးမဲ့ ချန်ထားခဲ့၏။ ထို့အတူ ဝင်ငွေနှင့် မမျှအောင် အထက်တန်းကျကျ သုံးစွဲသူသည်လည်း မိမိပစ္စည်း ဥစ္စာများကို အကျိုးမဲ့ဖြစ်အောင်(ဝါ) မွဲအောင် ဖန်တီးသူဖြစ်၏။

ပစ္စည်းဥစ္စာ သုံးစွဲနည်း ဥပဒေသ- ၁

          ရရှိလာသော ဥစ္စာပစ္စည်းတို့ကို လေးပုံပုံရမည်။ ထိုလေးပုံအနက် တစ်ပုံသော ပစ္စည်းဥစ္စာတို့ကို သုံးဆောင်ခံစားရမည်။ နှစ်ပုံသော ဥစ္စာပစ္စည်းတို့ကို ကုန်သွယ်မှု စသည်တို့၌ အရင်အနှီးပြုလုပ်ရမည်။ ကျန်လေးပုံမြောက်ကို ကိုယ်မကျန်းမမာဖြစ်ခြင်း စသည့် ဘေးအန္တရာယ်တို့ ဖြစ်ပေါ်လာသည့်အခါ အသုံးပြုနိုင်ရန်အတွက် ရန်ပုံငွေအဖြစ် စုဆောင်းသိမ်းဆည်း ထားရမည်။ ( ပါထိကဝဂ္ဂပါဌိ၊ သိင်္ဂါလောဝါဒသုတ် )

          ပထမစံကျောင်း ဆရာတော်ဘုရားကြီးမှ အတိုကောက်အားဖြင့်

“လုပ်၍ရလာ၊ ထိုဥစ္စာကို ၊ ပုံပါလေးပုံ၊ တစ်ပုံစားပါ၊ နှစ်ပုံကပ်ရင်း၊ အကြွင်းရန်ပုံ ထားပါတုံ၊ မှတ်ယုံကြီးပွါးမည်” ဟု ဆောင်ပုဒ်ပြုရေးစပ်ထားပါသည်။

ပစ္စည်းဥစ္စာ သုံးစွဲနည်း ဥပဒေသ- ၂

ဤနည်းကို စည်းစိမ်ဥစ္စာကြွယ်ဝချမ်းသာခြင်းသို့ ရောက်ပြီးနောက် လူချမ်းသာဘဝ၊ သူဌေးဘဝတို့၌ ကြာမြင့်စွာ တည်မြဲနေနိုင်သောနည်း ဖြစ်၏။ ဤနည်းတွင် အကြောင်းအရာလေးမျိုး ပါဝင်သည်။ 

ထိုအကြောင်းအရာလေးမျိုးမှာ--

၁) ပျောက်သော ပစ္စည်းဥစ္စာ စသည်တို့ကို ရှာဖွေရခြင်း

၂) ဟောင်းနွမ်းဆွေးမြည့်နေသောအရာကို ထပ်မံ ပြုပြင်ပြင်ဆင်ရခြင်း

၃) အတိုင်းအရှည်အားဖြင့် (ဝါ) မိမိဝင်ငွေနှင့် လိုက်လျောညီထွေဖြစ်အောင် ဝတ်စားနေထိုင်ရခြင်း

၎) ကိုယ်ကျင့်သီလရှိ၍ စာရိတ္တကောင်းသော အမျိုးသားကိုဖြစ်စေ၊ အမျိုးသမီးကိုဖြစ်စေ အကြီးအမှူး ဘဏ္ဍာစိုးအရာ၌ ထားရခြင်း တို့ဖြစ်သည်။ 

လေးစားစွာဖြင့်

တင်ဝင်းထွန်း

Professional များနှင့် တခဏ

        ကျွန်တော်တို့ သင်္ဘောအရာရှိများ ကိုင်ဆောင်ရသည့် လက်မှတ်များကို CoC ( Certificate of Competency ) ဟု ခေါ်ပါသည်။ ဆိုလိုရင်းမှာ ကျွမ်းကျင်မှုလက်မှတ်ဖြစ်ပါသည်။ သင်္ဘော အပြင် လေယာဉ်ပျံမောင်းနှင်သူများ တွင်လည်း ထိုသို့ကျွမ်းကျင်မှုလက်မှတ်များ ကိုင်ဆောင်ရပါသည်ဟု သိရပါသည်။ ကိုင်တွယ်မောင်းနှင်ရန်အတွက် လိုအပ်သောအရည်အချင်းပြည့်မှီသည်ဟု ယူဆပြီး ထုတ်ပေးသောလက်မှတ်ဖြစ်ပါသည်။

        ကျွန်တော် Singapore Maritime Academy တွင် Combined Class 1 Engineer သင်တန်းတက်ရောက်စဉ် Lecturer Mr.Mukaji မှ CoC လက်မှတ်နှင့် ပတ်သက်သော ပို့ချချက်လေးကို ပြန်လည်မျှဝေလိုပါသည်။ 

        Competency ဆိုသည့် စကားလုံးသည် ကျွမ်းကျင်ပိုင်နိုင်ခြင်း ဟု အဓိပ္ပါယ်ရပါသည်။ Mr.Mukaji ၏ ဖွင့်ဆိုချက်အရ Competency တွင် စကားလုံး သုံးလုံးပါဝင်သည်။ ထိုစကားလုံးများမှာ K,U,P တို့ဖြစ်ပါသည်။ K= Knowledge, U=Understanding and P=proficiency ဖြစ်ပါသည်။

        Knowledge မှာ သက်ဆိုင်ရာဘာသာရပ်အလိုက် သိထားသင့်သော ဗဟုသုတဖြစ်ပါသည်။

        Understanding မှာ သက်ဆိုင်ရာစနစ်များနှင့် ဆက်သွယ်မှုများကို သေချာစွာ နားလည်ရမည်။

        Proficiency မှာ ကြုံလာသောအခက်အခဲများ၊ ဆောင်ရွက်ရမည်များကို သေချာစွာနားလည်ပြီး ဖြေရှင်းနိုင်သောအရည်အချင်း ဖြစ်ပါသည်။ ရလဒ်ကောင်းကို ရရှိသည်အထိဆောင်ရွက်နိုင်သည့်ပညာဖြစ်ပါသည်။

        CoC လက်မှတ်ထုတ်ပေးရန်အတွက် အခက်အခဲတစုံတရာတွေ့လျှင် မည်သို့ဆောင်ရွက်မည်ကို မေးမြန်းမည့် Oral စာမေးပွဲရှိလာရပါသည်။ ရင့်ကျက်ပြီး၊ အတွေ့အကြုံများသော စာစစ်သူသည် အခက်အခဲတွင် စာဖြေသူ မည်သို့ဆောင်ရွက်မည်ကို မေးမြန်းလေ့ရှိပြီး၊ မိမိ၏အတွေ့အကြုံနှင့် နှိုင်းယှဉ်အကဲဖြတ်ပါသည်။ ပြီးနောက် အောင်၊ ရှုံးကို ဆုံးဖြတ်ပေးလေ့ရှိပါသည်။ 

        ကျွန်တော့် အမြင်အရ ထိုလက်မှတ်ကိုင်ဆောင်သူများသည် အလုပ်များကို Professional တစ်ဦးကဲ့သို့လည်း ဆောင်ရွက်သင့်ပါသည်။ EFA မဂ္ဂဇင်းမှ ဆောင်းပါးတစ်စောင်တွင် ဆရာမကြီးဒေါ်ခင်မျိုးချစ်မှ Professional ကို အဓိပ္ပါယ်ဖွင့်ပါသည်။ 

Professional- တတ်မြောက်သင့်သည်များကို သေချာစွာတတ်မြောက်သူ

                - လူသားတို့အကျိုးအတွက် မှန်ကန်သောစိတ်ဓါတ်ရှိသူ။

         ရေကြောင်းလောကတွင် နောက်လူအတွက် အလုပ်များ ချန်ထားပြီး ဆင်းပြေးခြင်း၊ G/E များကို Running Hour ချိန်၍ မောင်းနှင်သောကြောင့် နောက်လူသည် G/E overhaul များကို မနိုင်မနင်းလုပ်ကိုင်ရခြင်း..စသည့် ကိစ္စများသည် အလုပ်ကို Professional တစ်ဦးကဲ့သို့ မဆောင်ရွက်ခြင်းကြောင့် ဖြစ်ရပါသည်။ 

        CoC လက်မှတ်ကိုင်ထားသလို Professional တစ်ဦးကဲ့သို့လည်း ကျင့်ကြံသင့်ပါသည်။ 

ကျွန်တော့် အမြင်လေးကို မျှဝေခြင်းပါ။ ကွဲပြားမှုများ ရှိနိုင်ပါသည်။

လေးစားလျှက်

တင်ဝင်းထွန်း

D/G ၏ cylinder head ရှိ T-yoke guide ကျိုးသွားခြင်း

T-yoke guide = T-shaped valve guide

Type of Engine- Daihatsu

ဖြစ်ပွါးပုံ

        ပင်လယ်အတွင်း သင်္ဘောသွားနေစဉ် No.2 D/G T/C inlet temp high alarm ( 500’C ) လာပါသည်။ တာဝန်ကျအင်ဂျင်နီယာသည် D/G ကို စစ်ဆေးသောအခါ No.1 cylinder rocker arm သည် ပုံမှန် အခြေအနေ မဟုတ်သည်ကို တွေ့ရသည်။

        အင်ဂျင်နီယာသည် St-by D/G ကို ချက်ချင်းပြောင်းမောင်းပြီး၊ No.2 D/G ကို ရပ်လိုက်ပါသည်။

ထိခိုက်မှုအခြေအနေ

(၁) No.1 cylinder ရှိ T-yoke guide မှာ အောက်ခြေ cylinder head နှင့် ကပ်လျှက်နေရာတွင် ကျိုးနေပါသည်။

(၂) Cylinder ရှိ Exhaust pipe မှာ နီရဲနေပြီး၊ ပတ်ထားသော အပူကာစများမှာ ပျော်ကျ ပျက်စီးနေပါသည်။

(၃) တာဝန်ရှိအင်ဂျင်နီယာ၏ မျက်မြင်စစ်ဆေးချက်အရ No.1 cylinder ရှိ piston and liner မှာ ကောင်းမွန်ပါသည်။

ပြင်ဆင်ဆောင်ရွက်ချက်များ

        ကျိုးပဲ့သွားသော T-yoke guide ကို အသစ်လဲလှယ်သည်။ Cylinder တိုင်း၏ Tappet clearance ကို စစ်ဆေးချိန်ညှိသည်။

ထိခိုက်မှု၏အကြောင်းအရင်း

( Hardware factor )

Tappet clearance ချိန်မှု မှားယွင်းခြင်းဖြစ်သည်။ Tappet clearance ချိန်သောအခါတွင် T-yoke guide နှင့် exhaust valve ၂ ခုအကြား ထိမှတ် ( Contact point ) အကွာအဝေးကို မှားယွင်းစွာ ချိန်တွယ်မိခြင်းဖြစ်သည်။

        ထိုကဲ့သို့ ထိခိုက်မှုမျိုးကို ယခင်ကလည်း မကြာခဏ မှားယွင်းခဲ့ကြဖူးပါသည်။

(Software/ Human factor )

ပြဿနာ၏အကြောင်းရင်းမှာ Tappet Clearance ချိန်မှု မှားယွင်းခြင်းဖြစ်သည်။

ထပ်မံမဖြစ်ပွါးစေရန် ဆောင်ရွက်ချက်များ

( Human aspects )

အောက်ပါအတိုင်း ချိန်ညှိမှုကို ပြုလုပ်ပါ။

(၁) Rocker arm ကို မတပ်ဆင်မှီ T-yoke ( T-shaped valve guide )  နှင့် Exhaust valve များကို ထိနေစေရန် Adjust screw သုံး၍ ချိန်ညှိပါ။

(၂) Tappet Clearance ကို ချိန်ညှိပါ။

      T-yoke နှင့် Exhaust valve များကို ချိန်ပြီးသောအခါတွင် Tappet clearance ကို ဆက်လက်ချိန်ညှိပါ။ အပူချိန်ကွာခြားလျှင် contact points တန်ဖိုးများ ပြောင်းလဲနိုင်ပါသည်။

သင်ခန်းစာ

ပုံမှန်မဟုတ်သောအခြေအနေတွင် အင်ဂျင်နီယာများနှင့် သင်္ဘောသားများသည် ECR အတွင်းရှိနေသင့်ပြီး၊ ချက်ချင်းအရေးယူဆောင်ရွက်ရန် အသင့်ရှိနေသင့်သည်။ Alarm လာပြီး၊ ၂မိနစ်အတွင်း St-by G/E ကို ပြောင်းနိုင်သောကြောင့် ပြင်းထန်သောထိခိုက်မှု ကို မဖြစ်ပွါးစေခဲ့ပါ။ တာဝန်ကျအင်ဂျင်နီယာမရှိသည့် ညဖက်အချိန်တွင် ဖြစ်ပွါးလျှင် ထိခိုက်မှုပြင်းထန်နိုင်ပါသည်။ 

{Remark:  : ယခု Report သည် အင်ဂျင်နီယာ၏ Tappet clearance ချိန်ဆမှု မှားယွင်းခြင်းကြောင့်ဖြစ်သည်။ Tappet Clearance ချိန်လျှင် အင်ဂျင်နီယာများသည် T-yoke (T-shaped valve guide) နှင့် Rocker-arm အကြားအဝေးကိုသာ Thickness gauge သုံး၍ ချိန်တတ်ကြပါသည်။

Yanmar engine နှင့် Daihatsu engine များသည် Compound valve guide system ကို အသုံးပြုကြပါသည်။ Rocker arm တစ်ခုသည် Exhaust valve ၂ လုံးကို T-shaped valve guide အသုံးပြု၍ အဖွင့်အပိတ်ပြုလုပ်ပြီး၊ အခြား Rocker arm တစ်ခုသည် T-shaped valve guide ဖြင့် Intake valve ၂ လုံးကို အဖွင့်အပိတ်ပြုလုပ်ပါသည်။ 

T-shaped valve guide အောက်ရှိ valve ၂ လုံးသည် valve guide နှင့် သေချာစွာ ထိနေစေရန်အရေးကြီးပါသည်။ contact points ကို မှန်ကန်စေရန်အတွက် Adjust screw ဖြင့် ချိန်ညှိပါ။

Contact point ကွါနေလျှင် Valve rotator ကောင်းစွာအလုပ်မလုပ်နိုင်ပါ။ Valve rotator စားသွားနိုင်ပါသည်။ 

Contact point သည် ထိနေသော်လည်း၊ Valves များကို ဖိထားသော အခြေအနေဖြစ်နေလျှင်၊ ဗါးပွင့်နေသောကြောင့် Exhaust temp တက်ခြင်း၊ Valve Stem, valve seat, valve guide များ မီးစားခြင်း ဖြစ်ပေါ်ပါလိမ့်မည်။ 

ထိုအချက်သည် မှားယွင်းတတ်သောအချက်ဖြစ်သဖြင့် သတိထား၍ ဆောင်ရွက်သင့်သည်။ }

ဘေးရန်ကင်းကြပါစေ…

တင်ဝင်းထွန်း