ဆီပန့်၏အပြန်လိုင်းမှ ဆီများထွက်လာခြင်း ( Oil leak from fuel pump return line )

                              ( Oil leak from fuel pump return line )

          သင်္ဘောသည် ပင်လယ်လမ်းခရီးတွင် မောင်းနှင်နေပါသည်။ သင်္ဘော၏စက်ခန်းကို လူမဲ့ထိန်းချုပ်ခြင်းစနစ် ( Unmanned Machinery Space – UMS ) ဖြင့် မောင်းနှင်ထားပါသည်။ ဂျူတီအင်ဂျင်နီယာသည် မနက် ၆ နာရီ ၅၀ မိနစ်တွင် လူဖြင့်ထိန်းချုပ်သောစနစ်သို့ ပြောင်းလဲရန် သွားပါသည်။ ထိုအခါ လောင်စာဆီများသည် အင်ဂျင်၏အပေါ်ဘက်၊ ဘေးဖက်၊ အောက်ဖက်တို့တွင် ပန်းထွက်နေသည်ကို တွေ့ရှိရသည်။ ဖလိုင်းဝှီးနေရာတဝိုက်တွင်လည်း ဆီများကို တွေ့ရပါသည်။ 

          မိန်းအင်ဂျင်၏ တာဘိုချာဂျာလေအဝင်နှင့် အင်ဂျင်ခန်းအတွင်းလေသွင်းသော ဘလိုယာ( Blower ) များကြောင့် ဆီငွေ့များသည် စက်ခန်းတစ်ခုလုံးကို ပျံ့နှံ့နေပါသည်။ ထိုအခြေအနေကြောင့် မီးလောင်နိုင်သောအန္တရာယ်မှာ နီးကပ်နေပါသည်။ မိန်းအင်ဂျင်ကို ချက်ချင်းရပ်လိုက်ပြီး၊ အင်ဂျင်နီယာများသည် ဆီများထွက်လာသည့် နေရာပင်ရင်းကို ရှာဖွေကြပါသည်။ 

          ဆီများထွက်သည့်ပင်ရင်းမှာ ဆီပန့်၏အပြန်လိုင်းရှိ ပိုက်ဖလန်း ( Pipe flange ) တစ်ခုမှ ထွက်လာခြင်းဖြစ်ကြောင်း မကြာမှီတွေ့ရှိလိုက်ရပါသည်။ ( ထိုဖလန်းအဆက်ကို မကြာသေးမှီအချိန်က ရေမဲ့ဒေါက်ကျင်း ( Dry Dock ) တွင် ဖွင့်ခဲ့ကြပါသည် )။ ထို့ပြင် ဆီပန့်အဝင်လိုင်းပိုက်အဆက်များကို SOLAS အရ သတ်မှတ်ထားသောဆီပန့်အကာများ ( approved splash-prevention screening ) တပ်ဆင်ထားခြင်း မရှိပါ။ ဖြစ်နိုင်ချေရှိသည်မှာ ဆီပန့်ကိုယ်ထည်ရှိ ပုံစံမကျသောသွန်းလောင်းထားမှု ( awkward shapes of the castings ) ကြောင့် ထိုဖလန်းအဆက်ကို မျက်စိလှမ်းပြီး ကျော်သွားခြင်း ဖြစ်နိုင်ပါသည်။

          ဆီပန့်အားလုံးရှိ အဝင်၊ အထွက်လိုင်းများကို စစ်ဆေးကြည့်သောအခါတွင် ဘို့အားလုံး ( all bolts ) သည် လုံလောက်သောတင်းကျပ်မှု ( proper tightness ) ရရှိရန်အတွက် တဝက်ခန့်ထပ်၍ တင်းကျပ်ရန် ( half a turn of the nuts ) လိုအပ်နေကြောင်းတွေ့ရှိရပါသည်။ 

အခြေခံအကြောင်းအရင်း / ဖြန့်ဝေသင့်သောအချက်များ

Root cause / contributory factors

၁။ စံနှုန်းမရှိခြင်း - အင်ဂျင်၏တုန်ခါမှုနှင့် ပတ်သက်သောအချက်အလက် အလွန်နည်းပါးသည်။ ဆီပန့်၏ပိုက်များရှိ အဆက်များ ( fasteners ) ကို သတ်မှတ်ပေးထားသောတင်းကျပ်ရန်ပမာဏ ( recommended tightening torque ) ဖြင့် တင်းကျပ်ထားခြင်း မရှိပါ။ 

၂။ သင်္ဘောသည် ရေမဲ့ဒေါက်ကျင်းမှ ဆင်းလာပြီး၊ မောင်းနှင်နေသည်မှာ ၆လ ခန့်ရှိပါပြီ။ အလွန်အမင်းတုန်ခါမှုကြောင့် ပိုက်ဖလန်းအဆက်များ လျှော့လျှဲလာကြောင်းကို တွေ့ရှိရပါသည်။ 

၃။ အဓိကကျသောနေရာများတွင် ဆီပန်းကာကွယ်ရေးအကာများ ( splash- prevention screening ) သုံးစွဲထားသည်မှာ လုံလောက်မှုမရှိပါ။

ပြုပြင်သင့်သောအချက်များ / ကာကွယ်သင့်သောအချက်များ

( Corrective / Preventive actions )

၁။ သင်္ဘောတည်ဆောက်နေစဉ် နှင့် ဒေါက်ကျင်းမှဆင်းလာပြီး အစမ်းမောင်းနှင်နေချိန်တို့တွင် သေချာစွာကြည့်ရှူသင့်ပါသည်။

၂။ ဖလန်းနှင့် ဘို့များ၏တင်းကျပ်မှုကို သတ်မှတ်ထားသောတော့ ( recommended tightening torque ) အတွင်းရှိ၊ မရှိ ပုံမှန်စစ်ဆေးသင့်ပါသည်။ စစ်ဆေးရန်အတွက် ဆီဖိအားသုံးတော့တင်းကျပ်စက် ( hydraulic-pressured torque tightening machine ) ကို သင်္ဘောပေါ်သို့ ပေးထားပါသည်။

၃။ ဆီပန့်အနီးတွင် ဆီပန်းအကာ ( a spray guard/ deflector ) တပ်ဆင်ထားခဲ့လျှင် ဆီများကို အပူမျက်နှာပြင် ( hot surface ) အပေါ်သို့ မကျရောက်စေရန် ကာကွယ်ပေးနိုင်ပါလိမ့်မည်။ 

၎။ ပိုက်ဖလန်းများအနီးတွင် ဆီပန်းကာကွယ်ရေးအတွက် နည်းလမ်း၊ စနစ်များကို သုံးစွဲရန်။ ဆီပန်းအကာများတပ်ဆင်ခြင်းဖြင့် အကာအကွယ်အတိုင်းအတာကို ပိုမိုရရှိစေပါလိမ့်မည်။

၅။ မိန်းအင်ဂျင်၏ထိပ်ပိုင်းတွင် ဆီမှုန်စစ်ဆေးသောစနစ် ( Oil-mist detection system ) ကို တပ်ဆင်ထားလျှင် ဖြစ်နိုင်ချေကို စစ်ဆေးရန်။ (သို့) ဆီမှုန်စစ်ဆေးနိုင်စွမ်းရှိသော CCTV အမျိုးအစားအချို့ကို အချက်ပေးစနစ်အတွက် တပ်ဆင်လျှင်ဖြစ်နိုင်ချေကို စစ်ဆေးရန်။

၆။ ဘို့များရှိ နပ်များကို ဖမ်းထားသောစနစ် ( Nut-locking arrangements ) ကို သုံးစွဲကြည့်ရန်။ ထိုစနစ်တွင် လော့ဝါရှာ ( Lock washer ) ဖြင့် နပ်များကို ဖမ်းထားခြင်း၊ ဘို့တိုင်ကို အပေါက်ဖေါက်ပြီး အတွင်းသို့ ဝါယာဖြင့် ထိုးထည့်ခြင်း ( Locking wire arrangements ) နည်းလမ်းများပါဝင်ပါသည်။

( Contact – More reports are always needed. If you have experienced or seen any incident from which others may learn, please report it, including your name and contact details, to the MARS editor at mars@nautinst.org, via www.nautinst.org/mars or to MARS,c/o The Nautical Institute, 202 Lambeth, London SE1 7LQ, UK. )

( IHS- Safety at sea- August 2010 - မှ ဘာသာပြန်ဆိုခြင်း ဖြစ်ပါသည်။  )